குறிப்புக்கள் - (Notes)
வேறுபாடுகள் - (Pathanthara)
¹ - மானஸ ஸஞ்சரரே - சில புத்தகங்களில் இச்சொற்கள் இருமுறை கொடுக்கப்பட்டுள்ளது.
⁸ - ஹ்ரு₂த்₃-குமுத₃ - ஹ்ரு₂த₃ய குமுத₃.
Top

மேற்கோள்கள்
³ - மகராங்க - மீன் சின்னத்தோன் - காமன்.

⁵ - நக₃ வைரி - மலைகளுக்கு எதிரி - இந்திரன் - வால்மீகி ராமாயணம், சுந்தர காண்டம், முதல் அத்தியாயம் - (மைனாக மலை அனுமனுக்குக் கூறுவது) நோக்கவும்.
Top

விளக்கம்
² - முக₂ ஜித பா₄ர்யே - 'பா₄ர்யா' என்ற சொல்லுக்கு, 'மனைவி' என்று பொருளாகும். இதனை நேரிடையாக மொழி பெயர்த்தால், 'முக அழகினில் மனைவியையும் வெல்வோன்' என்று பொருளாகும். அத்தகைய பொருள் பொருத்தமாகப் படவில்லை. புத்தகங்களில், இதற்கு, 'முக அழகினில் மதியினை வெல்வோன்' என்று பொருள் கொள்ளப்பட்டுள்ளது. தியாகராஜர், பல கிருதிகளில், 'மதி'யை, 'ப₄ ராஜ' (ப₄ - தாரை) 'தாராதிபன்' என்று குறிப்பிடுகின்றார். அவருடைய, 'மேலுகோவய்யா' என்ற பௌ₄ளி ராக கிருதி நோக்கவும். எனவே, 'பா₄ர்யே' என்பதனை 'ப₄+ஆர்யே' (தாரைகளுக்கு இனியோன்) என்று பிரித்துப் பொருள் கொள்ளப்பட்டது.

⁴ - ஸு₁க முக₂ வினுத - சுகர் முதலானோர் போற்றுவோன். சதாசிவ ப்ரம்மேந்திரரின், 'பிப₃ரே ராம ரஸம்' என்ற கீர்த்தனையினையும் நோக்கவும் - சரணம் 4 - 'ஸு₁க, ஸௌ₁னக, கௌஸி₁க முக₂ பீதம்' (சுகர், சௌனகர் மற்றும் கௌசிகர் (விசுவாமித்திரர்) ஆகியோர் பருகிய ராம நாம ரசம்).
Top

⁶ - து₃ர்ஜன தூ₃ரே - தீயோருக்குத் தூரமானவன். இறைவன் அனைத்து உயிரினங்களிலும் - நல்லவனாகிலும், தீயவனாகிலும் - உள்ளியக்கமாக உள்ளான். ஆனால், ராமகிருஷ்ண பரமஹம்ஸர் கூறுவது போன்று, எங்ஙனம் நெருப்பு, அண்டியோனுக்கு இதமளிக்கின்றதோ, அங்ஙனம், இறைவனை அண்டினால் இதம் பெறலாம்; தீயோர், இறைவனை அண்டாததனால், அவர்களுக்கு அந்த சுகம் கிடைப்பதில்லை. அவ்வகையில், 'தீயோருக்குத் தூரமானவன்' என்று பொருள். ராம கிருஷ்ண பரமஹம்ஸரின் பொன்மொழிகள் - Gospel of SrI rAmakRSNa paramahaMsa

⁷ - கமலாரி - கமலப் பகை - தாமரை மலர்களில் சில, பொழுது விடிய, மலரும்; பொழுது சாய, மூடிக்கொள்ளும். சில, சந்திரனைக் கண்டு மலரும்; பொழுது விடிய, மூடிக்கொள்ளும். கமலம், முதல் வகையைச் சேர்ந்தது; குமுதம், இரண்டாவது வகையினைச் சேர்ந்தது. அதனால், இடத்திற்குத் தகுந்தபடி, பகலவனையும், மதியினையும், 'குமுதப் பகை' மற்றும் 'கமலப் பகை' என்று கூறப்படும்.
Top

முற்றிலும் தூய - இறைவனைக் குறிக்கும்
தாராதிபன் - மதி
கௌசிக முனி - விசுவாமித்திரர்
இந்திரன் பகைவர் - அரக்கர்
மலரோன் - பிரமன்
பிறையணிவோன் - சிவன்
கமலா - இலக்குமி
சாகேத புரி - அயோத்தி நகர்
Top